Fimkhur teh ang u!!

Date:27th September 2010
Time: 2:16am
Place: Bangalore

Hman zan chu ka thianpa pakhat hian min lo call a, investment company pakhat in manager atana an rawn sawm thu min rawn hrilh ka, package pawh an offer tha, kan lawmpui dawn viau lai chuan ani chuan, "Lo la lawm ngawt lo teh, an plan vel hi a tha emai, ka awih lo deuh tlat, lo zir chiang deuh teh, chuvang zawk chuan ani ka rawn hrilh che" a ti ang lawi a, kei chuan karen awm lo hnuaiah ka phone ah chuan chu company chinchang vel chu kan google zuai zuai a, a ni taka an plan lah chu a tha ngang mai a, membership kha 10k INR in a lei theih a, chutah investment tih khan 10% thla tin interest a ni a, kum khatah chuan 120% daih mai anih chu.

CHutiang kan hmu chiah mai chu hetiang lam chinchang hre ve miah lo mah ila thla tin 10% a pung tur chuan a tam ka ti ta em em mai a, kei mimawl mai pawh hian thil nithei lo deuh chuan kan hre ve ngawt a, mithiam zawk te rawn kual in, google nen tang kawpin kan zir chiang ve deuh hnu chuan mite pawhin India atan chuan thil nithei lo hulhual anih thu te, eng company mahin chutiang an handle zawh loh tur thu te chu ka hmu ta teuh a. Chuta ka rilru a lo lang ta ber chu chiahpuam ani nghal tawp mai.

Kan chan ta..

Date: 10th September 2010

7:30pm

“Pu ka thiante pawn an nei vek a, keimah chiahin ka nei ve lo, mawh pu, min lo lei .. mawh mawh” ti a Mathematical Instrument box Rambo lemchuang lei dil ngawng ngawng chung a dawr lam pana kan in kaih det det hi ka mitthla ah hian ala cham reng mai. A ni chuan ka duhzawng ka neih loh hi a duh lo a, ka thiante pawn an nei vek tak tak hlek lo a, a hre reng a, pawl hnih naupang in chutiang kan mamawh tak tak lo tih pawh a hre tho a, mahse ka thusawi vang pawh ni chuang lovin ka hlim a duh vang chuan min lei a tum ru reng tih pawh hre chuang lo chuan min kaihna lam ah chuan ka kal dawr dawr a, kal pahchuan ka la dil reng zel a, a ni chu kal hmawk hmawk pahin muang zawi sap hian, “Engzat man nge a?” a rawn ti a, keichuan phur fahran in “Sawmhnih man” ka lo ti vat a. Dawr chu kan thleng ta a, ka duh ang chu a nghak tu hnenah chuan a han zawt a, “Heihi ami i duh chu?” tih pah chuan box chu min han pe a, chu ta ka lawm hmel min rawn melh zeuh mai, ka hlim tih a hriat avanga a lawm hmel chu a hunlai khan lo hrethiam ila chuan a hlu lehzual tur. Ka pu pawh chu ngaihsak tawh lem lo chuan hlim lutuk chuan ka tlan haw san ta nal nal a..