Fimkhur teh ang u!!

Date:27th September 2010
Time: 2:16am
Place: Bangalore

Hman zan chu ka thianpa pakhat hian min lo call a, investment company pakhat in manager atana an rawn sawm thu min rawn hrilh ka, package pawh an offer tha, kan lawmpui dawn viau lai chuan ani chuan, "Lo la lawm ngawt lo teh, an plan vel hi a tha emai, ka awih lo deuh tlat, lo zir chiang deuh teh, chuvang zawk chuan ani ka rawn hrilh che" a ti ang lawi a, kei chuan karen awm lo hnuaiah ka phone ah chuan chu company chinchang vel chu kan google zuai zuai a, a ni taka an plan lah chu a tha ngang mai a, membership kha 10k INR in a lei theih a, chutah investment tih khan 10% thla tin interest a ni a, kum khatah chuan 120% daih mai anih chu.

CHutiang kan hmu chiah mai chu hetiang lam chinchang hre ve miah lo mah ila thla tin 10% a pung tur chuan a tam ka ti ta em em mai a, kei mimawl mai pawh hian thil nithei lo deuh chuan kan hre ve ngawt a, mithiam zawk te rawn kual in, google nen tang kawpin kan zir chiang ve deuh hnu chuan mite pawhin India atan chuan thil nithei lo hulhual anih thu te, eng company mahin chutiang an handle zawh loh tur thu te chu ka hmu ta teuh a. Chuta ka rilru a lo lang ta ber chu chiahpuam ani nghal tawp mai.


He company hi dawt hulhual ani e chu ka ti miahlo, ani lo pawh ka ti chuang lo. Ka sawi duh tak zawk chu, hmanni lawkah chiahpuam vangin kan mizo pui tamtak mittui a tla a, mirethei eichawp dap ve ngawih ngawih ten an han invest a, tikhan tahna tamtak a thlen zo chauh a, chuvang chuan tuikuk pathian siam theih loh an tih ang mai min bum na ngaia min bum leh mai hi ka hlau a, company hriatchian sa, a ram pum huapa lar leh rintlak sa a kan ngaih anih loh hi chuan bawh huam huam lo ngam ang u, tahna a thlen leh hlauh dah ange.

Thiam takin an hrilh leh anga, keini mizo mipui tamtak chu kan awn leh ruai ruai mai dawn a, a rintlak zia te, a pung a that zia te min han hrilh leh anga, eng ang pawhin sawi thiam sela, 'ti suh u' chu ka ti thei lo, mimal duhthlanna a ni a, mahse lo zirchiang viau ang u tih hi ka chah duh ani. Tha viau in hlawk awk awk mah ila, chiahpuam ang mai a a bo leh thut ni a lo thleng hlauh anih chuan tahna thlentu mai ani leh dawn si a. Bible chang refer tur ka hre mai lo nangin thawk hah vak lo a hlawk awk tum hi a Pathian thu lo riau hrim hrim a, chuvang chuan i Fimkhur teh ang u ka han ti ve a ni e.