Vei ve mai mai

Ka blog hi min an lo chhiar ve thin nge ve thin lo pawh hi ka hre lo a, visit tu a neih leh neih loh pawh ka hre hek lo, amaherawhchu ka kuthlei thil vel hetia ka type luh a, duh hun huna en theih a awm hi tha ka ti ve hrim hrim. He thu i lo hmu anih phei hi chuan a chhiar awmchhun i ni hial maithei kei tih lovah chuan.


Chutianglam pawh sawi ka tum law, ka sawi tum chu thil dang daih, Mizo hi (a mizo a zawng hian bei ve teh ang) kan mize tha lo tih lai deuh mai hman atanga vei ve em em mai hi ka nei a, chu chu, a tha lam zawng, min an ngaihthlak duh zawng ang sawi lova, mi re re an that lohna lam zawng hlir mai kan sawi peih hi ani. An thatna lam ai chuan an thatlohna lam hi kan notice tlat zel. In ni ve emaw ka hre loa, mahse a tlangpui hi chuan kan ni in ka hre tlat. Entirnan, mi hun rei tak chhung kan hmuh tawh loh te han inhmu ila, an thatna ai chuan, i van thau ta ve(keichuan ka tawng ngun hei hi chu, mahse ka haw lem lo..:D), i van cher ta ve, i van hang sawt, i sam tih dan te chu aa.... etc etc. tih te hi kan sawi tam. An lawmna tur zawng sawi ai chuan khalam kha sawi anuam tlat. Kha kha kan mizia ani atlangpuiin. An thatna kha kan va hmu miah lo, an that lohna hlir kan va hmu tlat pek.

"Mihring rul thlah mizia alawm" kan ti ngawt thei, amaherawhchu, ka la kal ve lo nanga sap ramkal tawh ten hnamdang chanchin an sawi te, tv/movies vela kan hmuh te hian khatiang mizia kha an put ve kan hre tlem khawp mai. Kan zirtirtupa pakhat hian min hrilh thin a, amah chu Burma lam chhuak hi ania , "Burma ah naupangte kan ni lai chuan Sap ho hi an lo kal thin a, keini sap tawng hmang chak hian lo biak a lo puih vel hi kan chak thin a, an ni chuan min han hmu hi kan lukhum hnang tah ang phek hleihluai te hi, 'A va han nalh em em ve, iinhmeh lutuk' te hi min ti luam zel a, a nuam ve thei lutuk" a tih hi ka la hre reng mai. Khang hnam dang ho kha chuan an thil va notice kha chu a dang daih mai.

Hetiang mizia hi neih nghal ngawt mai theih ani lem lo a, a zira zir chi niin ka hria, kan ni vek ka ti kher lo a, tam tak chu in ni ve chuang kher lo thei. Mahse sawi leh sawi hnu, a tam zawk hi chu kan ni ani. Keipawhin hei rei tak chhung chu ka zir ve tawh, mi ka hmuh re re hian an thatna lai hi va notice ka tum tlat thin, mahse a har khawp mai, kan naupan lai atanga kan tih than loh thil ani ve miau a. He thu hi i lo chhiar fuh anih chuan lo zir ve peih kher lo anih pawhin mi bulah sawi ve mai mai thin rawh . Mi thenkhat rilru ah tal a lo thawk ve maithei asin, chuan zanina ka kut kham taka ka type hi a lo thlawn lo ve hlauh maithei asin.. hehe