BMdA Meet Feb 2011

Bangalore Mizo-dA meet 11/2/2011, a vawikhatna kan neih tur chu kan phur hle a, kan helhhawlh tlang hlawm ni pawhin a hriat kan sawi sek hlawmmai a, midang beng te pawh a ti kham ang tih erawh kan hlau hnuhnawh hle. A hma karhnih vel atangin kan sawi lawk sek mai ani. A dawn zan alo thlen chuan vawikhatmah ka inhmu lo leh la inhre lo kan nih hlawm avang in kan phone number te kan han in pe chawp chuk chuk a. member kal tum te kan han inchhiar a, kan kal kim thei ngei turah kan in ngai a,kan phur tlang hle. A hun kha dar 2pm anih avangin kei meuh pawh peih leh leih lo in ka tho hma ve viau a, thawh velah fb ka han lut chu an Khosa leh jesh-i te pawh anlo online dun vang tawh mai a.

JESH
Jesh-i chu ken veng lampang awm anih avangin min rawn sawm a, auto ah min lo nghak vang mai a, ka va kal chuan a phone te hi alo khawih rek rek a, auto a ka luhna turah hian a ke te hi a lo khang ar a, "sorry" a tih pah a a lo nui sak chu a tawngkam live a ka hriat hmasak ber ani. Tichuan engmah sawi lem lo chuan ka thu lut ve a, kan innghah khawm na tur "The Forum" lam pan chuan kan auto chu kan kal tir te beuh beuh a. Han sawi mai tur kan van dun deuh nge kan ngawi dun ren rawn a, chutah a mipa zawk ta na na na chuan, "min lo nghak rei em?" ka han ti a, ani chuan a nghah rei loh thu chuan min chhan ve mai pah in ka center fresh offer chu ala a, a thial ve niap niap a. Kan ti ti phei ta luam a, FRIENDS lo ngaina ve ve kan ni bawk a, sawi tur chu kan tlachham lo phei ta phian a. In hre sa ang maiin in nel takin kan ti ti phei ta bawrh bawrh a. Ka tum ai tak chuan nuih te alo duh in a tawng duh phian a. Mi kawm nuam tak ani.



Khos-a
Tichuan engtin tin emaw Forum chu kan thleng phei ta hlawl a, auto man te kan han pek zawh chuan Khos-a chuan alo call ve chiah a, Mc Donalds lamah nge KFC lamah in awm a rawn tia, McD lamah kan awm thu kan hrilh a, kan lo nghak ta a, a rawn thlen har deuh avang chuan kan lo hawi he haw a. Chutah kan piah deuh ah chuan, tlangval(rawlthar), sang em em lo, palian lutuk lo, lu buk deuh chhap mai, Jacket a 'L' awm vang chuang, bag rawn ak par mai chu ka hmuh chuan Khos-a ani tih hi tu min hrilh nawn ka ngai lo. A hma a, "Ka la hmu ngai si lo a, ka hre thei mai angem aw??" ka lo tih ruk chu hriat pawh ka hre chhuak leh tawh eih lo. Min rawn hmu mai lova, a hawi vial vial te chu kan lo en reng a, a rawn hnaih tak viau ah chuan kan lo au ta a, a rawn khi seng a, kan han in chibai lawp lawp a. Ani pawh chu, "keipawh ka rawn thleng ve deuh chiah" a tih chu live a a thusawi ka hriat hmasak ber ani ve bawk a.

Manga Cafe??
Tichuan engdang ti lo chuan Manga Cafe(????) awmna lam Jesh-i hriat ngei mai lamah chuan kan inzui chhuak in, Jesh-i chiah la kal awm chhun anih avang chuan kan zui thla ta hnak hnak a. A awmna lampang kan han en chu Jesh-i hmelah chuan a confi vak lo tih chu hai rual ani lo, a awmna ni a a sawi lai velah chuan kan han hawi vel ngial a, Manga cafe tih reng reng kan hmu lo, a awm ang ber chu Book shoppe tih ringawt a lo awm, kan han zawt ngial a, an hre lo, helai hi ani lo aniang tiin a sir vel te chu kan han kal kual vel a, kanhmu chuang lo, kei phei chu fit lo ta ngang chu, ka lo thlan leh hluam tawh a, Just dial te kan han call, "Manga Cafe maw, kapu a hming chu i hre chiang maw?" min tih te pawh chuan kei, "chuan hrechiang e, comics dawr ania" tiin, confi tak chuan ka chhang a, record kan nei hauh lo anlo ti zel bawk si a. Chutah kan phone atangin kan han google nak nak a, (Khosa phone ah GPRS a lo nung ve lo a, a browse ve lo), Manga Cafe tih reng reng alo awm lo, Comics cafe tih chu alo awm, kan han hmu Jesh-i hmelah chuan mak tak maiin thil hrechhuak thar hmel a hmuhtheih nghal a, "Ee, comics cafe zawk mawle" a rawn tih chuan a hre dawn ta anih hi tiin hope nei tak leh a sawi leh tur ngaichang ran chuan Khos-a nen chuan kan lo hawi he haw a, "Nikum khan Mysore road ah an sawn tawh" a rawn tizawm leh zat chu nuihzatthlak duh letling hle.

Enge kan tih tak ang le??
za vak lova Khos-a then sak hmel ka va en zawh a "landmark ah han kalphawt ang u" a ti chuai raih thawm chu ka han hre leh a, Jesh-i pawh chu vawi khat inhmuhna a min bo pui chu a zak tih a hriat theih a, mahse eng ualah kan ngai lem lo tih guitar chungchang kan sawizui daih danah chuan a hriat hle. Landmark ah chuan a neitu ang maiin comics aisle ah chuan kan han lut tlang nghal phar phar a, thla lak an phal nge phal lo Khos-a ka zawh chuan, "AN phal" a rawn ti pawr hle a. Mahse kan han lak dawn a "a flash kha off daih ula" a rawn tih danah chuan anphal ngei ani tih a hrechiang bik lo tih chu a chiang hle. Tichuan ho tak tak, uang tak tak a thla la in darkar khat dawn mai chu kan tei hawi vela. Chutiang khawpa rei chu awmmah ila poster pakhat dA Super Villain contest a mi BMdA in kanpek tur leh snickers chocolate pahnih(Jesh-i min lei) zawng bak chu kan lei lem hlei law. Tichuan chhuah paha chocolate keih tuam tuam pah chuan kan kalna tur leh rel chuan kan inzui chhuak leh ta diat diat hlawm a. A chhunga kan awm chhunga thil zawng zawng Khos-an a khawih kim vek zel tih chu ka sawi tel kher lo mai ange.

Happy Meal
Brigade road kan han thlen chuan ka naute pahnih chu an ril a tam tawh hle tih ka hre thei a, ATM a pawisa te kan han la chhuak zo chu Mc Donald lam chu kan pan a, a tu a mahchuan Happy meal chu kan lo ei duh lo a, Jesh-i nen chuan Mc Chicken Meal kan ei duh thu kan sawi a, Khos-a erawh chuan Maharaja Chicken Meal chu a duh tlat thung a, a lem kan han en a, "I keih thei dawn em ni a lian sia" kan han tih fiamthu pah a Khos-a ang chhin vel lai chu ka mitthla ah hian a la lang reng mai. Kan han ei a Khos-a chu alo tam tawh deuh nge, a lian ber la si a a eizo hmasa ber anih chungchang chu sawi pawh ka tum ber chuang lo. kan eilaklawh laia kan Mizo-dA prize tur kan donate tur awmna chin kan han hre lo a kan piah a kan theih nghilh te chu kan hlimpui phian.

The Call
Thil kan ei pah chuan Mizo-dA hruaitu te chu kan han call a, Cyef-a kan han call hmasa ber a, kan han be liam liam hlawm a, biakrei deuh bik aneih pawh ka lo hre ve chuang lem lo a. Chumi zawhah Hriatpuia kan han be leh liam liam a, sawi tur em empawh kan hre chuang lo a au ring hle tih chu ka hre thei. Tichuan Mami number chu midang kan han dil chawp a, kan be ta a, Mami kan biak zawh an comment pawh sawi kher tul pawh ka ti lo. jesh-i pawh chuan mi a biak dawn pianga "Sawi tur ka hre lo" ti chung zelin a be rei ber erawh ani zel a. Rev-a kan call dawn a a lo pick up thei lo erawh a phone neitu ka lawm, a tlak leh duah dawn tih ka chiang tlat.

DDR
Kan ei puar ta peng pawng maw tih ah chuan ka naute pahnih chuan lam anchak ta tlat a, lamna hmun lampan chuan kan kalphei ta nghal a. Engdang ti lo chuan DDR lam chu anpan ding ta a, an thil ah leh khai te ka han ken saka, an pahnih chuan an lamdun ta zak zak a, an thiam dun dan em em chu khatiang kha keipawn ka la hmu ngai lo. Mipuiin an en thup laia rilru a Russel Peters lo lang nen, an kalpui nih pawh chu ka zak chuang lova. Eng eng game emaw kan han khelh ho nak nak zawh chuan khua pawh chu alo thim ve tep tawh mai a. Music Instrument dawrah Guitar Amp man zat zawh lawk ka duh vang chuan kan kal a, lei duh awm ang deuh chuan kan perh ta tlauh tlauh a. Kan lo perh rei deuh ta nge ni, a tawpa chuan a neitu te nen in ti thinrim lo chauh chuan kan awm ta mai a, mahse a tawnga lo tawng thei ta ngang chu kan in sawi fel thei hram a.

A tiak ta.
Tichuan haw darh alo hun ta a, Khos-a chu an khaw bus kan han chanpui leh te te a, kan prize donate tur kawltu tur kan han in hnawn leh ngial a, khamlo tak chung leh la ui ru tak si chuan Khos-a chu kan vai liam ta a. keini pahnih pawh kan khaw lama haw ve turin kan inzui haw ve ta hnak hnak a. Tichuan kan BMZdA Meet Feb 2011 chu a kham lo tak takin a lo tiak ta ani.

Report:
Member zawng zawng: 3
Member Kal zat: 3
member kal rate : 100%